Chamomile 德國洋甘菊

德國洋甘菊
原產地 : 歐洲 , 西亞
作用 : 清香中帶有甘甜味 , 可安眠 , 改善皮膚
治療神經緊張引起的腸胃毛病等


係打風前一日落了德國洋甘菊(因為冇想到會打得成風) , 但都做了防風準備 , 這張相已經係打風後第二日 , 嘩.... 已經出咗呀啦 !!! (要放大圖片才可看到 ) , 因為 D 種子非常細小 , 所以一次過落了好多 .

霸王花

終於開花啦 !! 但係不是之前影落 , 因為比人係開花前一日採摘晒 !!
這朵係因為佢哋睇唔到先可以開到花 !!

睇睇花冧巳經足足有一隻手掌大小啦 !! 應該過多一兩日就開花 .

打風後第二天 , 一連四粒花冧 , 只淨下一粒可以繼續大 , 可能太近關係啦 . 不過其他地方仲有好多花冧 .

嘩 !! 如果同一日開花都好壯觀 !!!!!

後花園屋頂有霸王花 , 而家開始出花冧 , 大約一星期後就會開花 . 霸王花開花只會開一日 , 花的體積都有一尺長都幾大朵嫁 !!

Sweet Basil 甜羅勒

今日標高咗少少 .

sweet basil 的種子出芽率非常之高 ( 85% 以上 ) , 有興趣的朋友可以試吓用sweet basil 發芽 , 非常有成功感 hihi , 如果花盆唔係好大就唔好落太多要有空間 , 因為佢哋長得都幾快 , 每一株要的空間都好多 , 之後都要再次分盆比多D空間啦 .

sweet basil 幼苗非常之可愛 , 圓圓摃摃的 . 圖片的幼苗已經有一個多星期到 .

Saga 西子

可能前兩天落雨關係 , 令到有三棵西子幼苗枯萎咗 , 現在只淨下一棵 .

係打風前做好防風準備 , 把一個膠水樽剪開一半 , 用幾枝木條頂住
膠樽 , 等西子可以唔洗直接比雨水打到 , 這張相片已經係打風後第二天 , 都可以睇到泥沙都打到西子幼苗到 , 唔見兩日高咗好多呀 !!!

今天 D 西子標高咗少少啦 .....!!!

望穿秋水 ..... 西子終於出芽啦 .....!!!! 之前落了兩次種子一粒都唔出 , 但今次 ( 一個星期多 D ) 落咗四粒 , 四粒都出到呀 !! 不過今個星期會打風 , 希望可以平安渡過 .

重新開始

要重新再種香草為由翻新泥土 , 幸好翻泥個幾日好好太陽可以曬乾D泥又殺吓菌 , 再係花盆加條膠喉等長時間落雨都唔會浸過面 .

之前種0既香草大多數都係人哋比或者係分株的 , 用種子出的就好少 , 所以今次就會用晒種子出啦 !! 薰衣草 / 薄荷 / 金不換 / sweet basil / rosemany / sage / 西洋著草 .....

氣候

起初種概氣候係冬季 , 可能冇乜蟲害 , 所以種乜都好鬼靚 , 就算係今年初的寒流都可以渡過咗 , 到咗春天初時 , 香草就開始蠢蠢欲動係禁狂"標" , 但.......到咗梅雨時候 , 蟲害就出嚟啦 !! 蝸牛 毛蟲 鼻涕蟲 ...... 令到香蜂草/rosemary 都變得很弱 , 只有齒葉薰衣草就冇影響 .

一波未平一波由起 , 五六月的雨水簡直攞命呀!! 長時間落雨差不多令到所以都唔靚唔健康 , 水浸就令到D 齒葉薰衣草 / 甜薰衣草死晒 .

希望過咗雨季會好 D 啦 !!!

開始

開始種植香草到現在都有大半年 , 因為工作地方後面有個小花園仔 , 但只有個半鐘可以打理 , 起初時係想打發時間 , 慢慢開始覺得係 li 個半鐘令我好開心 , 可以忘記好多事情 , 同時種植每一種香草都有佢地獨特香味 , 所以令我想佢地可以快高長大啦 !! haha...